ប្រធានាធិបតី ដូណាល់ត្រាំ បាននិយាយកាលពីថ្ងៃចន្ទថាសហរដ្ឋអាមេរិកបាន “វាយលុក” តំបន់មួយក្នុងប្រទេស វេណេហ្ស៊ុយអេឡា ជាកន្លែងទុកទូកដែលផ្ទុកទៅដោយគ្រឿងញៀន។ នេះជាការកត់សម្គាល់ជាលើកដំបូងដែលទីក្រុងវ៉ាស៊ីនតោនបានធ្វើប្រតិបត្តិការផ្លូវគោកលីនៅក្នុងប្រទេសវេណេស៊ុយអេឡាចាប់តាំងពីយុទ្ធនាការដាក់សម្ពាធបានចាប់ផ្តើមប្រឆាំងនឹងរដ្ឋាភិបាលរបស់ប្រធានាធិបតី Nicolas Maduro ។
លោក Trump បាននិយាយថា “មានការផ្ទុះដ៏ធំមួយនៅក្នុងតំបន់ចតដែលពួកគេផ្ទុកទូកផ្ទុកគ្រឿងញៀន” ។
គេមិនទាន់ដឹងច្បាស់ថាតើគោលដៅណាត្រូវបានវាយប្រហារ ឬផ្នែកណានៃរដ្ឋាភិបាលអាមេរិកបានធ្វើសកម្មភាពនោះទេ។
នៅពេលគេសួរថាតើ CIA គឺជាអ្នកវាយប្រហារក្នុងប្រតិបត្តិការនោះ? លោក ត្រាំ បាននិយាយថា "ខ្ញុំមិនចង់និយាយនោះទេ។ ខ្ញុំដឹងច្បាស់ថាវាជានរណា ប៉ុន្តែខ្ញុំមិនចង់និយាយថាវាជានរណា" ។
លោក ត្រាំ ធ្លាប់បាននិយាយថា លោកបានអនុញ្ញាតឱ្យ CIA ធ្វើប្រតិបត្តិការសម្ងាត់នៅប្រទេសវ៉េណេស៊ុយអេឡា។
នៅក្នុងកម្មវិធីវិទ្យុកាលពីសប្តាហ៍មុន លោក ត្រាំ បានធ្វើអត្ថាធិប្បាយមិនច្បាស់លាស់អំពីប្រតិបត្តិការជាក់ស្តែងរបស់សហរដ្ឋអាមេរិកប្រឆាំងនឹង "កន្លែងធំ" នៅក្នុងប្រទេសវេណេហ្ស៊ុយអេឡា។
ទីភ្នាក់ងារស៊ើបការណ៍សម្ងាត់កណ្តាល សេតវិមាន និងមន្ទីរបញ្ចកោណ មិនបានបកស្រាយជាសាធារណៈលើការអត្ថាធិប្បាយទាំងនោះទេ ហើយបានបដិសេធមិនធ្វើអត្ថាធិប្បាយលើសំណួរដែលចោទដោយ Reuters ។ រដ្ឋាភិបាលវេណេហ្ស៊ុយអេឡាមិនបានធ្វើអត្ថាធិប្បាយលើឧប្បត្តិហេតុដែល លោក ត្រាំ បានពិពណ៌នានោះទេ ហើយមិនមានរបាយការណ៍ឯករាជ្យណាមួយពីប្រទេសវេណេហ្ស៊ុយអេឡាអំពីរឿងនេះទេ។
ប្រភព Reuters
