នាព្រឹកថ្ងៃទី១០ ខែមករា ឆ្នាំ២០២៦ អំណោយជាសម្ភារៈរបស់បងប្អូនខ្មែររស់នៅសហរដ្ឋអាមេរិក ត្រូវបានដឹកនាំដោយ លោក ផាត់ ចំណាន ប្រធានសមាគមអ្នកសារព័ត៌មានមាគ៌ាសន្តិភាព បានយកទៅចែកជូនដោយផ្ទាល់ រួមជាមួយនិងម្ចាស់ជំនួយ ជូនដល់ជនភៀសសិក ចំនួន៣ទីទាំង នៅក្នុងខេត្តបន្ទាយមានជ័យ និងខេត្តបាត់ដំបង
សរុបជាប្រមាណជាង៣០០គ្រួសារ ស្ថិតនៅ វត្តសោភណារ៉ាមសំរោង ក្នុងភូមិសំរោង ឃុំសំរោង ស្រុកអូជ្រៅ ខេត្តបន្ទាយមាជ័យ ជនភៀសសិតដែលទទួលបានក្នុង មួយគ្រួសាៗ ទទួលបាននូវ -អង្ក១០ kg -ទឹកស៊ីអ៉ីវ១ដប-ទឹកត្រី១ដប -ម៉ី១០កញ្ចប់-ទឹកបរិសុទ្ធ១យួរថ្នាំពេទ្យមួយចំនួន និងបានប្រគេនបច្ច័យដល់ ព្រះគ្រូ ចៅអធិកាវត្ត ចំនួន១០០ដុល្លា និងថ្នាំពេទ្យមួយចំនួនទៀតផងដែ។
នៅក្នុងពិធីចែកសម្ភារៈជំនួយជូនដល់ជនភៀសសិកនៅចំពោះមុខ ក្នុងនាមលោក លោកស្រីដែលជាម្ចាស់ជំនួយដោយផ្ទាល់ ព្រមទាំងបងប្អូនកូនក្មួយខ្មែររស់នៅ រដ្ឋcalifornia & រដ្ឋវ៉ាស៊ីនតោនសហរដ្ឋអាមេរិក បានឲ្យដឹងថា៖ ថ្វីត្បិតតែពួកគាត់ដែលរស់នៅឯនាយសមុទ្រមានចម្ងាយឆ្ងាយរាប់ពាន់គីឡូម៉ែត ពីបងប្អូនពលរដ្ឋខ្មែរក៍ពិតមែន ប៉ុន្តែ ពួកគាត់ និងក្រុមគ្រួសារក៍ជាឈាមជ័រជាខ្មែរតែមួយ( ក្នុងស្មារតីខ្មែជួយខ្មែ )ហើយពួកគាត់និងក្រុមគ្រួសារមានកាឈឺចាប់ជាខ្លាំងដែលបានមកឃើញពលរដ្ឋខ្មែរជាជនភៀសសិករងទុក្ខវេទនា ដោយសារតែកងទ័ពសៀមបានទំលាក់គ្រាប់មកលើដែនអធិតិយ្យភាពរបស់កម្ពុជា ដែលសៀមបានបំពាននូវបទឈប់បាញ់មកលើកម្ពុជា ។
បន្ទាប់ពីបានចែកនូវអំណោយជាសម្ភារៈជូនជនភៀសសិកនៅចំនុចទីតាំងខាងលើរួចមក លោក ផាត់ ចំណាន ប្រធានសមាគមអ្នកសារព័ត៌មានមាគ៌ាសន្តិភាព បានដឹកនាំម្ចាស់ជំនួយរួមទាំងក្រុមការងារ បន្តរមកចែកស្បៀងមួយចំនួន ជូនដល់កងកំលាំងនគរបាលប៉ុស្តិ៍ និងវីរៈកងទ័ពដែលកំពុងឈជើងការពារតាមបន្ទាត់ខ្សែព្រំដែន ក្នុងស្រុកកំរៀង ខេត្ត បាត់ដំបង ជាស្បៀង រួមមាន៖ អង្គ១៥០គីឡូក្រាម ទឹកបរិសុទ្ធ៦៣យួរ ថវិការចំនួនជាង៥០០ដុល្លា ថ្នាំពេទ្យមួយចំនួនទៀតផងដែ ។
នៅក្នុង(ស្មារតីខ្មែរតែមួយ)ដើម្បីខ្មែរជួយខ្មែរ លោក ផាត់ ចំណាន ប្រធានសមាគមន៍ អ្នកសារព័ត៌មាននាគ៌ាសន្តិភាពក៏បានផ្តាំផ្ញើសួរសុខទុក្ខដល់ជនភៀសសិត ក៏ដូចជាកងកម្លាំង នគរបាល និង វីរៈកងទ័ពដែលកំពុងឈរជើងនៅតាមបន្ទាត់ខ្សែព្រំដែន ដែលបានរួមចំណែកជួយការពារទឹកដីកម្ពុជា របស់យើង សូមមានសុភាពល្អ និងគោរពឱ្យបាននូវ បទបញ្ជារបស់រាជរដ្ឋាភិបាល ដែលមានសម្ដេចបវអធិបតី ហ៊ុន ម៉ាណែត នាយករដ្ឋមន្ត្រី និងសម្ដេចអគ្គមហាសេនាតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជានៃយើង ដែលសម្តេចទាំងទ្វេបានខិតខំរកដំណោះស្រាយនូវបទឈប់បាញ់ពីសំណាក់កងទ័ពសៀម មកលើ កម្ពុជា ។
ជាចុងក្រោយក្នុងនាមអាជ្ញាធរមូលដ្ឋាន ក៏ដូចជាបងប្អូនជនភៀសសិតនិង វីរៈកងទ័ព និងនគបាលឈជើងទីតាំងខាងលើ ក៍បានថ្លែងអំណរគុណយ៉ាងជ្រាលជ្រៅចំពោះ លោក ផាត់ ចំណានប្រធានសមាគមន៍អ្នកសារព័ត៌មានមាគ៌ាសន្តិភាព ក៏ដូចជាបងប្អូនខ្មែររស់នៅសហរដ្ឋអាមេរិក នៅក្នុងកម្មវិធី(ស្មារតីខ្មែរតែមួយ) ដែលបានជំនួយ ជាសម្ភារៈស្បៀងគ្រឿងឧបភោគ បរិភោគ ជូនពួកគាត់ដែលកុំពុងមានកាខ្វះខាត សូមជូនពរ លោក ផាត់ ចំណាន ព្រមទាំងក្រុមគ្រួសារ បុត្រា បុត្រី និងក្រុមការងារ ព្រមទាំងបងប្អូនពូមីងរបស់លោកនៅសហរដ្ឋអាមេរិក សូមបានជួបតែនិងពុទ្ធពរទាំងឡាយបួនប្រការ គឺ៖ អាយុ វណ្ណៈ សុខៈ ពលៈ និងបដិធានអ្នក កុំបីឃ្លៀងឃ្លាតឡើយ៕
