ថ្មីៗនេះ! យើងឃើញថាមានករណីកូនៗ យកឪពុកបង្កើតរបស់ខ្លួនឯង ដែលចាស់ជរាទៅទុកចោលនៅចេតិយ៍ ដោយពុំបានមើលថែបីបាច់រក្សារគាត់ ដូចដែលគាត់បានមើលថែកូនៗ កាលនៅតូចៗ នោះទេ។ អំពើបែបនេះ! គឺជាអំពើពុំគប្បីនិងធ្វើសោះឡើយ! ហើយក៏ផ្ទុយខុសស្រឡះក្នុងច្បាប់”រដ្ឋធម្មនុញ្ញ នៃព្រះរាជាណាចក្រកម្ពុជា”យើងដែលបានចែងផងដែរ។🇰🇭
រដ្ឋធម្មនុញ មាត្រា ៤៧ បានចែងថា៖⚖️-មាតាបិតាមានកាតព្វកិច្ចចិញ្ចឹមថែរក្សា និងអប់រំកូនឱ្យទៅជាពលរដ្ឋល្អ ។-កូនមានករណីយកិច្ចចិញ្ចឹម និងបីបាច់ថែរក្សាមាតាបិតាដែលចាស់ជរា តាមទំនៀមទម្លាប់ខ្មែរ ។ មាត្រា ១១៥ នៃច្បាប់ស្តីពីអាពាហ៍ពិពាហ៍ និងគ្រួសារ ឆ្នាំ១៩៨៩ឪពុកម្ដាយមានករណីយកិច្ច ត្រូវស្រលាញ់កូន និងយកចិត្តទុកដាក់អប់រំកូន គឺបណ្ដុះគំនិតកូនអោយស្រលាញ់ការរៀនសូត្រ ស្នេហាមាតុភូមិ មានស្មារតីសាមគ្គីអន្តរជាតិ ស្រលាញ់ពលកម្ម ...
