កណ្តាល ÷ ជនសង្ស័យជួញដូរសារធាតុញៀនចំនួន០២នាក់ ត្រូវសមត្ថកិច្ចអាវុធហត្ថឃាត់ខ្លួន ក្រោយ បោះថ្នាំញៀនចោលចំនួន០៧កញ្ចប់ ពេលជួបហៅសួរនាំ ដោយហេតុការណ៏បានកើតឡើងកាលពីវេលាម៉ោង ២១និង១៥នាទី ថ្ងៃទី១៩ខែកុម្ភ:ឆ្នាំ២០២៦ នៅចំណុចផ្លូវលេខ ៣៨០ ស្ថិតក្នុងភូមិទឹកឃ្លាំង ឃុំទឹកឃ្លាំង ស្រុកល្វាឯម ខេត្តកណ្តាល
ប្រភពពីសមត្ថកិច្ចអាវុធហត្ថបានប្រាប់អោយដឹងថា÷ ជនសង្ស័យទាំង០២នាក់មាន : ១-ឈ្មោះ ឡឹក កែវ ភេទប្រុស អាយុ៤៣ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិស្នួល ឃុំធាយ ស្រុកបាភ្នំ ខេត្ដព្រៃវែង ,២-ឈ្មោះ ជួន ភារ៉ាយ ភេទប្រុស អាយុ ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិពោធិភ្លុក ឃុំធាយ ស្រុកបាភ្នំ ខេត្ដព្រៃវែង (វិជ្ជមាននូវសារធាតុទាំង០២នាក់ ) ។
វត្ថុតាងចាប់យក : ក្រាមសថ្លាសង្ស័យជាសារធាតុញៀន(ម៉ាទឹកកក)ចំនួន០៧កញ្ចប់ , ម៉ូតូចំនួន០១គ្រឿង ម៉ាកហុងដាឌ្រីម C125 ពណ៌ខ្មៅ ពាក់ស្លាកលេខភ្នំពេញ1GA-5700, កែវ សម្រាប់ជក់ថ្នាំញៀនចំនួន០៣ , ទូរស័ព្ទ ចំនួន០២គ្រឿង , ដែកកេះចំនួន០២ ។
សមត្ថកិច្ច មូលដ្ធានកងរាជអាវុធហត្ថស្រុក បានបន្តទៀតថា÷ កម្លាំងរាជអាវុធហត្ថស្រុកចំនួន០៤នាក់ មធ្យោបាយម៉ូតូ០២គ្រឿង ដឹកនាំដោយ លោក អនុសេនីយ៍ឯក ខៀន វិរ: មេបញ្ជាការរងស្រុក បានចុះល្បាតក្នុងភូមិសាស្រ្ដស្រុក លុះដល់ចំណុចកើតហេតុ ក៏បានជួបជនសង្ស័យ០២នាក់កំពង់ជិះម៉ូតូ ដោយមានការសង្ស័យ កម្លាំង ក៏បានឃាត់ជនសង្ស័យ បាន០១នាក់ឈ្មោះ ឡឹក កែវ ដែលបានបោះម្សៅក្រាមសថ្លា សង្ស័យចំនួន០៧កញ្ចប់ ទៅលើចញ្ចើមផ្លូវបេតុង និងចំណែកជនសង្ស័យ០១នាក់ទៀត ឈ្មោះ រ៉ាយ បានរត់គេចខ្លួនបាត់ តែត្រូវបានកម្លាំងយើងតាមឃាត់ខ្លួនបាននៅចំណុចផ្លូវលេខ ៣៨២ ភូមិទឹកឃ្លាំង ឃុំទឹកឃ្លាំង ស្រុកល្វាឯម ខេត្ដកណ្ដាល វេលាម៉ោង៦និង០៦នាទី ព្រឹកថ្ងៃទី២០ ខែកុម្ភៈ ឆ្នាំ២០២៦។
ជនសង្ស័យ ឈ្មោះ ឡឹក កែវ បានសារភាពថា ÷ ខ្លួនបានទិញថ្នាំញៀននេះពីស្រ្ដីម្នាក់នៅម្ដុំបូរីកីឡា រាជធានីភ្នំពេញតម្លៃ២៥០.០០០រៀល ( ម្ភៃប្រាំម៉ឺនរៀល )
បច្ចុប្បន្ន ជនសង្សយ័ និងវត្ថុតាង កំពុងបំពេញនីតិវិធីនៅ មូលដ្ធានកងរាជអាវុធហត្ថស្រុកល្វាឯម ៕ ( ដោយ÷ ចាន់ថា)
