ភ្នំពេញ: នាព្រឹកថ្ងៃទី ៧ ខែមិនា ឆ្នាំ២០២៦ សាលាស្តេលា អន្តរជាតិ បានប្រារព្ធពិធីប្រគល់វិញ្ញាបនបត្រ បញ្ចប់ការសិក្សាជូនដល់សិក្សានុសិស្សជំនាន់ទី២ ឆ្នាំសិក្សា ២០២៤ – ២០២៥ នៅក្នុងបរិវេនអគាសិក្សា សាលាស្តេលា អន្តរជាតិ ស្ថិតតាមបណ្ដោយផ្លូវហានណូយ ក្នុងភូមិ បន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម បណ្ឌិត ឃី សុវណ្ណ រតនា រដ្ឋលេខាធិការនៃក្រសួងការបរទេសនិងជាសហប្រតិបត្តិការអន្តរជាតិ និងលោកជំទាវ ។
ឯកឧត្តមបណ្ឌិត ហៀង សុវណ្ណារិទ្ធ ប្រធានក្រុមប្រឹក្សាភិបាល និងជានាយកសាលាស្តេលា អន្តរជាតិ និងមានការចូលរួមពី សំណាក់ឯកឧត្តមលោកជំទាវ គណៈអធិបតីកិត្តិយសជាច្រើនរូប ព្រមទាំងលោកគ្រូអ្នកគ្រូសាស្ត្រាចារ្យ ខ្មែរ និងបរទេស និងមានការចូលរួម លោកលោកស្រីដែលជាអាណាព្យាបាលរបស់សិស្សានុសិស្ស ដែលបានចូលរួមកិច្ចគាំទ្រ ក្នុងការបង្ហាត់បង្រៀន សិស្សានុសិស្ស គ្រប់កម្រិត ផ្នែកភាសាបរទេស ដែលមានភាសាចិន ភាសាអង់គ្លេស ឈានទៅដល់ភាពជោគជ័យនៃការសិក្សា នៅសាលាស្តេលា អន្តរជាតិ ។
ឯកឧត្តមបណ្ឌិត ហៀង សុវណ្ណារិទ្ធ ប្រធានក្រុមប្រឹក្សាភិបាល និងជានាយកសាលាស្តេលា អន្តរជាតិ បានកោតសរសើរចំពោះលោកគ្រូ អ្នកគ្រូគ្រប់កម្រិត ដែលបានយកចិត្តទុកដាក់ក្នុងការបង្ហាត់បង្រៀន ធ្វើឱ្យអាណាព្យាបាលរបស់សិស្សមានការជឿទុកចិត្តមកលើសាលាស្តេលា អន្តរជាតិ ទទួលបានទាំងគុណភាព និងតម្លៃសមរម្យ ហើយសាលា បាននឹងពង្រីកបន្ថែមនៅវិសាលភាព បន្ថែមជំរុញធ្វើយ៉ាងណាដើម្បីឲ្យសិស្សានុសិស្សទាំងអស់ បានយល់ដឹងន្ថែម ពីរបៀបការផលិតទ្រូន និងការបង្ហោះទ្រូន បានយ៉ាងស្ទាត់ជំនាញ ដើម្បីឲ្យស្របតាមគោលការណ៍បច្ចុប្បន្នដែលសង្គមកំពុងត្រូវការ។
ហើយសាលាបានពង្រីកបន្ថែមនូវវិស័យជាច្រើនទៀតដូចជា វិស័យកីឡា ដែលជាវិស័យផ្ដល់នូវសុខភាពរបស់សិស្ស ធ្វើឱ្យរាងកាយពួកគេបានរឹងមាំល្អប្រសើរផ្នែកខាងសុខភាព ដូចជា កីឡាបាល់ទាត់ បាល់ទះ កីឡាហែលទឹក កីឡាវាយសី។ល។
ឯកឧត្តម បណ្ឌិត ឃី សុវណ្ណ រតនា រដ្ឋលេខាធិការនៃក្រសួងការបរទេសនិងជាសហប្រតិបត្តិការអន្តរជាតិ បានកោតសរសើរនឹងវាយតម្លៃខ្ពស់ ចំពោះសាលាស្តេលា អន្តរជាតិ ដែលបានខិតខំពង្រីក និងពង្រឹងធនធានមនុស្ស ដើម្បីជាចំណេះដឹងចំណេះទៅថ្ងៃអនាគតរបស់កូនៗក្មួយៗ ទាំងអស់ដែលកំពុងសិក្សានៅសាលាស្តេលា អន្តរជាតិ ធ្វើយ៉ាងណាត្រូវចេះត្រងត្រាប់ស្ដាប់លោកគ្រូអ្នកគ្រូ ជាពិសេសត្រូវចេះត្រងត្រាប់ស្ដាប់បង្គាប់ ឪពុកម្ដាយ ដើម្បីជាកូនកតញ្ញូ ។
ជាចុងក្រោយ ឯកឧត្តមបណ្ឌិត សូមជូនពរដល់ ក្មួយៗកូនសិស្សានុសិស្សលោកគ្រូអ្នកគ្រូ សូមបានជួបតែនឹង ពុទ្ធពរទាំងឡាយបួនប្រការគឺអាយុ វណ្ណៈសុខៈពលៈ និងបដិធានអ្នកកុំបីភ្លៀងឃ្លាតឡើយ៕
