នាព្រឹកថ្ងៃទី២៧ ខែវិច្ឆិកា ឆ្នាំ២០២៥ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន ទទួលបន្ទុកការងារអង្គការ/សមាគមអ្នកសារព័ត៌មាននៅកម្ពុជា និងបណ្តាញយុវជនក្នុងវិស័យព័ត័មាន នៃក្រសួងព័ត៌មាន បានដឹកនាំកិច្ចប្រជុំបូកសរុបលទ្ធផលការងារអនុវត្តក្នុងត្រីមាសទី៤ និងការងារអនុវត្តឆ្នាំ២០២៥ លើកទិសដៅការងារឆ្នាំ២០២៦ ជាមួយឯកឧត្តមជាថ្នាក់ដឹកនាំ អគ្គនាយកដ្ឋាន និងនាយកដ្ឋានពាក់ព័ន្ធ ដើម្បីតាមដានលទ្ធផល និងបញ្ហាប្រឈមលើកិច្ចការងារសម្របសម្រួលអង្គការ/សមាគមអ្នកសារព័ត៌មាននៅកម្ពុជា ការងារចុះបញ្ជីរបស់អង្គការ/សមាគមអ្នកសារព័ត៌មាន និងការងារកសាងបណ្តាញយុវជនក្នុងវិស័យព័ត៌មាន នៃក្រសួងព័ត៌មាន និងបានប្រគល់អាវកាក់អ្នកសារព័ត៌មាន ជូនដល់ផែនដឹកនាំការងារសមាគមអ្នកសារព័ត៌មានចំនួន១០អាវ និងផែនដឹកនាំក្រុមយុវជនវិស័យព័ត៌មាន ដែលចុះយកព័ត៌មានចំនួន ២០អាវ ផងដែរ។
កិច្ចប្រជុំនេះបានប្រព្រឹត្តទៅនៅការិយាល័យ ឯកឧត្តម សុខ ចាន់ភក្តី នៃទីស្តីការក្រសួងព័ត៌មាន៕
